Тэд байрлаад удаагүй байтал Оулд Импаерын цэргийн үлдэгдэл хүч тэдний баазыг гэнэт дайрсан байна. Домейныхонд тухайн үедээ мэдэгдээгүй Оулд Импаерын нууц бааз Марс буюу Ангараг гаригийн газрын гүнд маш удаан байсан ажээ. Ангарагын баазаас хийсэн тэдний дайралтаар Домейн Хүчний анги үндсээрээ устаж, тэнд ажиллаж байсан Домейны Ис Би нүүд бүгд олзлогдсон байна. Энэ дайралт Домейны хувьд том хүчээ, ажиллагсдаа алдсан харамсалтай хэрэг болсон бөгөөд энэ хэргийг судлуулахаар дараагын хүчийг дэлхий рүү илгээжээ. Дараагын баг ч мөн дайралтад өртөн баривчлагдсан байна. Домейн хүчний баригдсан Ис Би нүүд бусад газраас ирсэн Ис Би нүүдийн адил арга замаар  дэлхий рүү илгээгдсэн байна. Тэдний ой санамжыг арилган, гипноз (ховс) командын дор  хуурамч дүрслэл санамжаар орлуулж, биологийн хүний биед суулгахаар дэлхий рүү буцаан илгээсэн байна. Тэдний нэг хэсэг одоог хүртэл энэ дэлхийн хүн амын хэсэг болж үлдсэн байгаа.

Анги нэгтгэл болон ажиллагсадаа алдсаны дараа маш өргөн далайцтай мөрдлөгө, судалгааны үр дүнд, Галактикийн энэ хэсэгт Оулд Импаерыхны маш нууцалсан баазууд, машин төхөөрөмжүүд олон сая жил ажиллаж байсныг илрүүлсэн байна. Хэр удаан ажиллаж байсныг нь хэн ч мэдэхгүй. Үүний дараахан Домейн болон Оулд Импаерын сансрын хөлгүүдийн хооронд нарны аймгийн задгай сансарт тулаан болсон байна.  Аерелийн өгүүлснээр бол 2 хүчний хоорондын тулаан Христийн тооллоос хойш 1235 он хүртэл үргэлжилсэн ба эцэстээ Домейны хүч Оулд Импаерын хамгийн сүүлийн хөлгийг устгаснаар төгссөн байна. Домейн ч бас олон хөлгүүдээ энэ тулаанаар алдсан байна.

Христийн тооллоос хойш 1914 оны хавар Оулд импаерын Ангараг дах нууц бааз санаандгүй тохиолдлоор илэрсэн байна. Энэ тохиолдол нь Домейны офицерын нэг  Ис Би, Австрын Арчдюк хэмээх хүний биед орсноор мэдэгдсэн байна. Энэ офицер астеройдын бүсэд  байдаг өөрийн баазаас дэлхийд мэдээлэл цуглуулах, байнга гүйцэтгэдэг даалгавраа биелүүлэхээр ирсэн байсан ба хүний биед орох болсоны гол шалтгаан бол хүмүүсийн дунд анзаарагдахгүйгээр тухайн үеийн дэлхийн байдалтай танилцах зорилготой байсан байна. Тэр офицер хүний биед орохдоо өөрийн ур чадварыг ашиглан Арчдюкын доторхи сүнсийг гаргаад өөрийн сүнсийг оруулж биеийг н нь удирдах чадвартай болжээ. Гэсэн хэдий ч тэр офицер, Арчдюк нь тухайн орондоо эсэргүү хэмээгдэн, ад үзэгдсэн хүн байсан гэдгийг ухаараагүй байсан юм. Тэрээр Арчдюкын биед орсны дараахан Боснийн оюутанд буудагдан алагдсан ба дараахан нь Ис Би-г илрүүлэх талбайд (Оулд импаерын төхөөрөмж) санаандгүй байдлаар нэвтэрч олзлогдсон байна. Яваандаа Домейн энэ Галагтикийн томоохон хэсэгт,түүн дотроо дэлхийн Ис Би нүүдийг сансраас хянадаг цахилгаан орон зайн төхөөрөмж байдгыг олж мэджээ. Энэ цахилгаан мэдрэгч төхөөрөмж нь Ис Би-г илрүүлэх, мөн талбайг орхиж явахаас сэргийлдэг байна.

Хэрэв Ис Би энэ талбайд нэвтэрсэн бол цахилгаан торонд орж баригддаг байна. Торонд орсон Ис Би ой санамж арилгуулах, тархи угаалгах эмчилгээнд ордог байна. Энэ ажиллагаа нь танай сэтгэлзүйч эмч нар өвчтөнг илүү харилцаатай болгох гэж цахилгаан тогоор цохих эмчилгээ хийдэгтэй төстэй юм. Гэхдээ дэлхий дээрх энэ эмчилгээ бол хэдэн зуун вольтоор хийгддэг бол Оулд Импаерын Ис Би -ийн эсрэг хийгддэг энэ цахилгаан гүйдэл бол хэдэн тэрбум магнитутын хүчдэлийн хүчээр хийгддэг юм. Энэ асар өндөр хүчдэлээр хийгдэж байгаа тул Ис Би ой санамжаа бүрэн алддаг бөгөөд зөвхөн өнгөрсөн амьдралых нь тухайд биш, өнгөрсөнд хязгааргүй туулсан дурсамж болоод өөрийнх нь жинхэнэ мөн чанар, дурсамжыг давхар устгадаг аюултай. Энэ цахилгаан шоконд оруулахын гол зорилго  бол Ис Би нь өөрийнхөө мөн чанар, хэн болох, хаанаас ирсэн болоод тэдэнд байсан мэдлэг, ур чадвар, өнгөрсөн дэх дурсамж , сүнсэн биеэр ажиллах чадвар зэргийг санах сэргээх боломжгүй болгоход чиглэж байгаа юм. Үүний хор уршгаар ухамсаргүй, робот маягын төрөлтөн бий болдог байна.

Жич: Энэ нь хүн бид яагаад юу ч санадаггүй вэ гэдгийг тайлбарлаж өгнө. Өөрсдийн тухай бодит дурсамжаа болон үнэнг мэддэггүй шалтгаан болж байдаг.

Шокны дараа  хуурмаг ой санамж, хуурмаг цаг хугацааны чигийг суулгах хэд хэдэн гипноз ажиллагаа Ис Би бүрт хийгддэг байна. Мөн энэ ажиллагааны дотор биеэ орхисны дараа бааз дээр дахин ирэх команд оруулдаг бөгөөд тэр болгонд ижил төрлийн шок, гипнозыг дахин дахин хийсээр энэ нь мөнхөд үргэлжилсээр байдаг байна. Мөн гипнотик команд нь дурсамжаа мартахыг ч үүрэгддэг байна. Домейны иргэншил энэхүү офицерт тохиолдсон сургамжаас Оулд Импаер энэ дэлхийг шорон гариг болгон олон мянган жил хэрэглэж ирсэн гэдгийг ухаарсан байна. Хэр удаан байсныг мэдэх боломжгүй, бараг хэдэн сая жил болсон ч байж магад юм.

 Ис Би гийн бие үхэхэд, сүнс биеийг орхин явдаг ба Ис Би-г мэдрэгч дэлгэцэнд илрэхэд, тэрээр гэрэл рүү ирэх гипнотик командын дагуу буцан ирдэг. Диваажин юмуу үхлийн дараах амьдрал гэдэг нь үнэндээ энэ гипнотик ажиллагааны, хууралтын нэг хэсэг бөгөөд энэ зарчмаар бүрэн төгс механизм явагддаг байна. Дэлхийгээс саяхан ирсэн Ис Би шок, гипнозын үр дагавараар саяхан туулсан амьдралын дурсамжаа арилгуулж, шинэ биед дахин төрөхөөр дэлхий руу илгээгддэг байна. Мөн цаанаас нь бүх Ис Би-д энэ дэлхийд ямар нэг тусгай зорилготой ирсэн гэж хэлж өгдөг. Гэвч үнэн хэрэгтээ энэ шорон гаригт, тэр тусмаа хоригдлоор ирэх ямар зорилго байх вэ дээ. Энд хоригдохоор ирсэн Ис Би нүүдийг Оулд Импаерынхан  “untouchables” буюу “ тусгай” гэдэг ангилалд оруулсан байдаг. Энэ ангилалд хэрэгтэн гэж шийтгүүлсэн харгис, хэрцгий, сексийн гаж сонирхолтой, бүтээлч бус, улс төрийн хоригдлууд, мөн чөлөөт сэтгэгчид, хувьсгал хийгчид Оулд Импаерын мэдлийн гаригуудад байсан төвөг учруулагчид гэх мэт Ис Би нүүд энэ ангилалд орсон байдаг. Тэдний эсрэг ажиллагаанд оролцож байсан цэргийн гэмт хэрэгтнүүд ч мөн адил дэлхий рүү ачигддаг байна.

Мөн дээрх жагсаалтанд урчууд, дуучид, хөгжимчид ,зохиолчид, жүжигчид гэх мэт бүх төрлийн талбарынхан ч бий. Энэ шалтгааны улмаас дэлхийд олон урлагынхан, уран бүтээлчид байдаг юм.  Мөн дээрх жагсаалтанд бүх талбарын эрдэмтэд, гүн ухаантнууд, зохион бүтээгчид бас орно. Учир нь Оулд Импаерын хувьд, байж болох бүх үнэт зүйлүүд нэгэнт бүтээгдсэн тул цаашдаа ийм биетүүд хэрэгцээгүй гэж үзсэн байна. Ур чадвартай зохион байгуулагчид ч бас дуулгавартай робот маягын иргэншилд хэрэгцээгүй гэж үзэгдсэн. Ер нь Оулд Импаерын эзэмшил гаригуудад тэдний ухаалаг бус эдийн засаг, улс төр, шашны нөлөөнд автахыг хүсээгүй болон зүгээр нэг татвар төлөгч ажилчид байхыг эсэргүүцсэн бүхэн “Тусгай” ангилалд багтан ой санамжаа арилгуулан, дэлхий хэмээх байнгын хорионд үлдэхээр ирдэг байна. Энэ ажиллагааны үр дүнгээр хэн болох, хаанаас ирсэн, хаана байгаа гэдгээ санах чадваргүй болсон Ис Би нүүд зугтаах аргагүй торонд ордог.

 Арчдюкын биед байж байгаад алагдан, урхинд орсон Домейны офицер бол бусадтай харьцуулбал маш өндөр чадвартай Ис Би байсан бөгөөд тэрээр баривчлагдан Ангараг дах Оулд Импаерын  нууц баазад хүргэгдэн ирж тусгай цахилгаан шоронд хоригдож байсан байна. Азаар тэр офицер газар доорх баазаас 27 жилийн дараа оргож чадсан ба өөрийн астеройдын бүсэд байх бааз дээрээ эргэн ирж чадсан байна. Түүний удирдах офицер нь нэн даруй байлдааны хөлөг явуулахыг тушааж, тэдний тогтоосноор Ангараг дах баазыг бүрэн устгаж чаджээ. Ангараг дахь Оулд Импаерын энэ бааз нь  тус гаригийн эквадорийн бүслүүрээс хэдэн зуун бээрийн зайтай байх Сидониа гэх бүсэд байрлаж байсан байна. Хэдийгээр Оулд Импаерын гол бааз устгагдсан ч, ой санамж арилгагч, гипноз, цахилгаан гүйдэлд цохиулагч олон тооны машин, төхөөрөмжүүд, үл мэдэгдэх тодорхойгүй байршлуудад одоог хүртэл ч ажилласаар байгаа юм. Харамсалтай нь бодол санааг хянадаг, шоронгын ажиллагаа явуулдаг гол бааз , хяналтын төв нь одоог хүртэл олдоогүй байна. Тэгэхлээр түүний хор уршиг эдүгээ цагт ч хэвээрээ гэсэн үг юм. Домейны ажиглалтаар бол Оулд Импаер устсан ч,өөр бусад  ойролцоох галактикуудаас ” өөрсдийн хүсээгүйчүүдийг” авчрах ажиллагаа үргэлжилсээр байгаа тул, дэлхий сансрын энэ бүс дэх цөлөгдлийн газар болж хувирсан юм. Үүгээр дэлхий дээрх олон үндэстэн арьстан, хэлтнүүд, олон төрлийн соёл, ёс суртахууны хэлбэрүүд, шашингууд, улс төрийн олон төрлүүд байдаг нь тайлбарлагдана. Ийм олон төрлийн нийгмүүд байдаг нь дэлхий хэмээх ердийн гаригийг ер бусын болгож байна. Ихэнх “Наран төрөлт 12, ангилал 7” гаригуудад зөвхөн нэг төрлийн хүн төрөлтөн, арьстнууд байдаг юм.

4-р хэсэг төгсөв.

Орчуулсан Д.Энхжаргал