Дэвшил яг одоо болж байна : Олон зөгнөлүүдэд яригддаг цаг үе бол энэ цаг үе юм. Үүнд: Майяан цаг тооны бичгээс эхлээд Хопи зөн, Илчлэлийн ном хүртэл бүгд багтана. Тэд бүгд ижил зүйл хэлдэг. Тэр нь биднийг маш их сорьсон шилжилтийн хугацааг дайрч өнгөрөх тухай байдаг. Түүний нөгөө талд гэрлийн шинэ эрин дэлхийд ирэх тухай байдаг. Та хэрэв үүнийг уншиж байгаа бол энэ шилжилтэд оролцогчдын нэг мөн. Өндөр давтамжит гэрлийн давалгаа энэ гаригт нөлөөлнө. Энэ давалгаанууд бидний өмнө байгаа ирэх жилүүдэд улам эрчимжэх юм. Энэ шилжилтийн цаг үе 2032 онд ямар нэг зүйл тохиолдох хүртэл үргэлжлэх төлөвтэй байна. Та энд, энэ өөрчлөлтийн хэсэг болохоор байгаа юм. Тиймээс энэ төлөвлөгөөнөөс бүү зугт.

Дэвшил бол хувь хүн болон нийтэд тохиолдох үйл явц: Гаригийн тухай санаа бүү зов. Энэ бүх зүйл хэрэгтэй учраас урагшилж байна. Өөрийн сэрэлтдээ эхлээд төвлөрч анхаар. Тэгээд бэлэн болох үедээ үүргээ биелүүлэх, үйлчлэх замдаа алхан ор. Энэ зам жижиг том ямар ч байж болно, гэхдээ аль нь ч байсан их чухал юм.
Энэ үйл явц их сорилттой: Та өөрөө юмуу бусдуудаар аминчхан байгаа тухай шүүмжлүүлж магад. Өөрийн өсөлт болон сэрэлтэд анхаарч эхлэх үед ийм зүйлтэй зайлшгүй тохиолдоно. Ялангуяа, та бусдын араас их явдаг хүн байсан бол илүүтэй шүүмжлүүлнэ. Энэ дэвшлийн үйл явцаар нээгдэх өөрийн ертөнцийг, та тоомсорлохгүй орхиж чадахгүй юм. Энэ нь зүйрлэвэл онгоцонд бусдад туслахаас өмнө өөрөө хүчилтөрөгчийн хаалтаа эхлээд зүүхтэй адил явц юм. Нэгээр тогтохгүй өөр олон сорилтууд бий.

Дэвшил мөн зарим нэг таагүй талуудтай ирнэ: Үйл явцын эхэн үед танд олон талын хачирхалтай мэдрэмжүүд мэдрэгдэж магад. Өөрчлөлтүүд таны оршихуйн бүх түвшинд тохиолдоно. Энэ нь биеийн, оюуны, сэтгэлийн болон сүнслэг оюун санаан дээр тохиолдоно. Танд эрчмийн дахин ачаалал явагдана. Энэ үед хоол боловсруулах тал дээр асуудал гарч, таны хоол унд цаанаасаа өөрчлөгдөнө. Та идэх уух шинэ арга замыг сонгох болно. Таны бие шилжих үед, таны ухамсраас хамаарахгүй тохиолдлууд гарах болно.Толгойд сонин мэдрэмжүүд мэдрэгдэнэ. Сонсголд өөрчлөлт орж, дуу чимээнд илүү мэдрэг болно. Мөн тод хурц гэрэлд мэдрэг болох, унтах хуваарь өөрчлөгдөх, их ядралтын давалгаа гарч ирсэнээ гэнэт яваад өгөх, ерөнхий бие сулрах, өвдөх, хөндүүрлэх, хурцадмал болох гэх мэт үзэгдлүүд гарна. Эсвэл хэт эрч хүч мэдрэгдэж удаа дараа их идэвхтэй болох гэх мэт шинжүүд ажиглагдана. Гэнэтийн сэтгэл тавгүйрэл, шалтгаангүй түгших, хурдацтай оюн ухааны эрчим, эмх цэгцгүй,өрсөлдөөнт бодлууд орж ирнэ. Эрч хүчтэй болох нь мэдрэгдэж, ер бусын хэлбэлзэлд автана. Эрчтэй сэтгэл хөдлөлүүд гарсанаа гэнэт алга болох мэт шинжүүд гарна. Хувийн орон зай илүү хэрэгтэй болно. Байгальд болон дуу чимээ багатай орчинд илүү татагдана. Анхаарал төвлөрөл дутмаг болж, эмх цэгцгүй тарсан мэт мэдрэгдэнэ. Тархи манантаж, байнга мартамхай болох гэх мэт жагсаалт үргэлжилнэ. Дэлгэрэнгүйг мэдэе гэвэл дэвшлийн шинж тэмдэгүүд гэж хайгаад, мэдээллүүд түлхүү аваарай.

Та ганцаар биш та хөтөчтэй: Та өөрийн жинхэнэ эх үүсвэрээ сонсдог, бас сонсдоггүй байж болно. Өөрийн эргэн тойронд юу болж байгааг анзаарч хар. Таны дээд би болон хөтчүүд тантай бясалгалаар юмуу содон тохиолдлуудаар хялбархан холбогдож болно. Дэлхий тантай дүрслэл болон бэлэг тэмдэг бүхий хэлээр ярьж байгаа мэргийн хөзөр мэт байж болно. Таны сурах хэрэгтэй хэл. Гэхдээ санаа зоволтгүй, та нээлттэй байвал арга замыг танд заах болно.

Дэвшил бол эрчмийн талбайд нэмэгдэж байгаа гэрэл юм: Гэрлээс далд байгаа ямар нэг зүйл өөрчлөгдөж, анагаагдахаар гадарга дээр ил гарна. Гэрэл гэдгийн нөгөө утга нь Хайр юм. Тиймээс Хайранд хамаарахгүй бүх зүйлийг цэвэрлэ. Айдсыг гэрэлд гаргаж барь. Эго гэх хамгаалалтын цогц хөтөлбөрүүд, таныг Гэрэл болон Хайраас холдуулахаар оролдох болно. Яваандаа эго гэдэг нь энэ ширүүн үйл явц дунд өөрчлөгдөх юм.

Дэвшил нь таныг сүнсний тань үүд хаалга болох зүрхэнд тань буцаан авчирна: Энэ нь оюун ухааны ноёрхолыг төгсгөж, зүрхтэй эн тэнцүү байдалд авчирна. Оюун ухаан болон зүрх тэнцвэртэй болох үед эв зохицолтой ажиллаж, таны амьдралд хаагдмал юмуу харагдахгүй байсан олон үүд хаалгууд танд гэнэт нээлттэй болох шиг санагдах болно. Явц гүнзгийрэх үед та өөрийн хүнлэг энэрэнгүй, зөв сайхан зан чанараа илүүтэй хөгжүүлж байгаагаа олж мэдэх бөгөөд энэ шалтгаанаар бусад хүн тан руу их татагдах болно.

Дэвшил зарим нэг тодорхой тооны сэтгэл хөдлөл, догшин ширүүн ааш авирыг татна: Танаас ямар нэг хуучин болон гацсан зүйлүүд сул сэгсрэгдэх болно. Танд хамаарахгүй ямар нэг эрчим байвал бас мэдрэгдэнэ. Гэрлийн ажилчид бол маш мэдрэмтгий хүмүүс бөгөөд тэд бусдад хамааралтай эрчмийг өөртөө татдаг гэсэн үг. Бусад хүний уур хилэн, уй гашуу, өвдөлт, айдас гэх мэт. Эдний аль нь ч тустай биш. Та эдгээр эрчмүүдийг хэрэглэж чадахгүй, тэдгээр нь таны эрчмийн талбайд жин татах мэт мэдрэгдэнэ. Тиймээс эдгээр эрчмүүдийг дор дор нь хаяж, өөрийн жинхэнэ гэрэлд буцаж ир.
Танд арга зам заах гэсэн олон хүнтэй таарч магад, гэхдээ та энд сүнслэг Гуру багш олохоор ирээгүй: Энэ үйл явцад удирдагч гэж байхгүй. Тэр бол өнгөрсөн дэх загасны ордод байсан цаг үед хамааралтай. Одоо та бол өөрийн дотоод багшийг олох цаг. Та өөрийн билиг ухааны өөрийн суваг болох ёстой. Танд өөрийн гэсэн зөн совин мэдрэмж байгаа, түүнийгээ хөгжүүл. Бүх хариултууд таны дотор бий. Олон багш болон дамжуулагчид танд арга замыг хэлж өгөх боловч өөрт үнэн гэж санагдаж байгаа өөрийн давтамж, хэлбэлзэлд итгэ. Мөн олон буруу ташаа мэдээллүүд бий. Тиймээс ямар нэг багшийг сохроор бүү дага. Олон янзын сүнслэг арга замууд болон техникүүд бий, танд зарим нь ажиллаж болно, зарим нь зохихгүй ч байж болно. Энэ бол арга зам болон техник арга барилыг үнэлэх тухайд биш юм. Энэ бол танд юу нь зөв гэж санагдсаныг дагах тухай юм.

Өөрийн гэрлээ өртгөтгөх, тэлэлтийг ухаарах цаг мөн: Үнэн хэрэгтээ таны гэрэл гэгээд хязгаар гэж байхгүй учир нь та Эх сурвалжын нэгээхэн хэсэг болохоор тэр юм. Та бол гариг дээр өсөн нэмэгдэж байгаа гэрлийн давалгааны хэсэг юм. Та энд гэрлээ гялалзуулахаар ирсэн болохоос бутан дор нуугдахаар ирээгүй. Харанхуйд таныг давах хүч байхгүй. Энэ хэмжээстийн өөр цаг үед ийм боломж байгаагүй юм. Энэ цаг үе бол жинхэнэ өөртэйгөө, өөрийн үндсэн гэрэлтэйгээ өөрийн Дээд би гэх эх үндэстэй холбогдох үе юм. Энэ бол их сорилттой үе шат мөн,гэвч түүнийг ойлгосон нэгэнд бол дэвшилтэй хялбархан ахих үе мөн. Маш олон сахиус, хөтчүүд тантай хамт алхаж байна. Таны “Дээд би” бол таны бага нягтралт оршихуйг, дээд гэрлийн оршихуйтай тань холбох гүүр юм.

Харанхуй бол маш сорилттой санагдаж байгаа боловч өөрийн гэсэн үүрэг рольтой. Энэ 3 хэмжээст дэлхийд, харанхуй нь өсөлт хөгжил болон хувьсал өөрчлөлтийг өдөөх үүрэгтэй байсан юм. Энэ бол гэрэл болон харанхуйн хуучин тоглоом байсан. Харин энэ тоглоом одоо дэлхийн дэвшиж байгаа хэмжээстэд төгсөж байна. Энэ тоглоом өөр хаа нэгтээ үргэжилнэ. Тиймээс олон сүнсүүд тэдний өсөлт хөгжлийг үргэлжлүүлэхийн тулд энэ гаригт буцаж ирэхгүй. Энэ талаар санаа бүү зов. Бүх сүнсүүд өөрсдийн өсөлтийн зам мөрийг хааш хөтлөхийг хүндэтгэж үзэх хэрэгтэй. Ихэнх харанхуй нийтийн гадаргад ил гарсаар байгаа. Зарим нэг маш харанхуй зүйлүүд аль хэдийн илчлэгдсэн бөгөөд цааш үргэлжилсээр байх болно. Харанхуй энэ гаригийг хэдэн мянган жилээр ноёрхож байсан. Харанхуй бол эрчмийн хууралтыг бас мэддэг. Гэвч энэ өдрүүдэд тэр нь сайн ажиллаж өгөхгүй байна. Бас дахин хэлэхэд та энэ талаар хэт санаа тавих хэрэггүй. Харанхуйтай орооцолдсон ямар нэг зүйлээс өөрийгөө цэвэрлэ, салга. Энэ танд одоо үйлчлэхгүй.

Таныг сөрөг хүмүүс болон нөхцөл байдалтай холбож байгаа эрчмийн уяас холбоосыг авч хая. Та энд бага хэлбэлзэлд ажиллаж, өөрсдийн юу хийж байгаагаа ч мэдэхгүй хүмүүсээс болж зовж шаналахаар ирээгүй юм. Бага давтамжын эрчмийн уяа маш их нийтлэг бөгөөд гэрлийн ажилчдын дунд ч их байна. Тиймээс өөрийн эрчмийн талбайг цэвэр байлгаж, өдөр тутам эрчмийн ариун цэврийг сахь. Алтлаг гэрлийн цацраг, танаас бага астралын хог новшыг урсган гаргаж байгаагаар төсөөлж байгаарай.
Энэ бол дэлхий дээрх таны сүүлийн амьдрал биш. Энэ бол сэтгэлээр унаад байх зүйл биш. Энэ бол таны дэлхийн 3 хэмжээстэд амьдарч байгаа сүүлийн амьдрал юм. Гэвч энэ цаг хугацаа таны эргэж ирмээр байгаа тийм зүг чиг рүү явж байгаа бол та амьдралын энэ шагналаас хүртэхийг хүсэж байж болно. Та энэ газрыг 5 хэмжээст диваажин болгох хүсэлтэй улмаас энд ирсэн байгаа.Та мэдээж дэлхий дээр бүжиглэхээр буцаж ирэх нь дамжиггүй юм.

Стив Ахнаел Нобел

Орчуулсан Д.Энхжаргал

ASCENSION NEWS – What on Earth is Happening Here on Planet Earth!