Ингэж дүрслэн бодъё…та ихэнх хүмүүс Дэлхий бол хавтгай гэдэгт итгэдэг, цаг тооллын эхэн буюу Нэг онд амьдарч байна. Гэтэл нэг өдөр та хэн нэгнээс Дэлхий бол хавтгай биш, бөөрөнхий гэж дуулсан гэе.
Та үүнд хэрхэн хариу үйлдэл үзүүлэх байсан бол? Бусад хүмүүс түүнийг дүгнэсний адил та түүнийг галзуу гэж дүгнээд цааш сонсолгүй явах байсан уу? Эсвэл та түүнийг хэрхэн ийм этгээд хачин үзэл бодолтой болсныг олж мэдэхийн тулд үргэлжлүүлэн сонссон боловуу?
Энэхүү вэбсайт нь сүүлчийн ангилалын буюу сониуч хүмүүст зориулсан болно.

Ингэхэд та өөрийгөө чухамдаа өөрийхөөсөө ондоо үзэл бодолд нээлттэй ханддаг гэх гээд байна уу? Тэгвэл түүнийг чинь даруйхан шалгаадхъя 😊
Та доорх 10 ишлэлүүдийг уншина уу!
1. Орчлон тэр аяараа амьдралаар дүүрэн ба харийн олон соёл иргэншлүүд биднээс технологи болон сүнслэг хөгжлөөрөө сая сая жилээр түрүүлэн яваа.
2. Хүмүүс дэлхий дээр амьдарч эхлэхээс бүүр өмнө ч Харийн гийчид ирсээр байсан хэдий ч доогуур хөгжилт оршнолуудын хөгжлийг зөнд нь орхих орчлонгийн хуулиар зохицуулагдсаар ирсэн.
3. Дэлхий дээр үнэгүй эрчим хүч гаргаж авах технологи, газрын татах хүчний эсрэг ажиллаж чадах техникүүд (нисэх төхөөрөмжүүд), мөн хэлбэлзлийг ашиглан өвчнүүдийг анагаах болон материйг өөрчлөн хувиргах зэрэг өндөр технологууд бий болж байсан боловч тухай бүрт нь нууцлан олны хүртээл болголгүй дарсан.
4. Дэлхий дээрх хамгийн хүчирхэг хүмүүс хар хүчийг дээдлэн шүтдэг, гэмт хэргийн Кабал бүлэглэлийг бий болгосон агаад тэд энгийн бусад хүмүүсийн биеийг боолчилж, ухааныг нь хүчээр харанхуй мунхагт барьж, мөн үргэлж айдаст автуулж, элдвээр хордууулан тамлаж байдаг.
5. Манай гариг ойролцоогоор 600 млрд (хийн төлөвт байсан үеийг нь оруулаад) жилийн настай. Тэрээр бусад гаригс болон сарнуудын адилаар хөндий гадаргуутай бөгөөд түүнд нь ч бас амьдрал байдаг. Дэлхийн тэнхлэгээ тойрон эргэх хөдөлгөөнийг даган үүсэх төвөөс зугтах хүчний нөлөөгөөр дэлхий маань жил бүр хэдэн сөөм тэлж байдаг ба энэ нь мөн тивүүд хувиран өөрчлөгдөхөд ч бас нөлөөлж байдаг.
6. Тоолохын аргагүй олон янзын амьдралын хэлбэрүүд болон орчлонгуудыг оруулаад бүхий л зүйлсийг, үргэлж шинээр туршлагажин зогсолтгүй тэлж байдаг Бүтээгч бүтээсэн бөгөөд эдгээр бүхий л зүйлс түүний салшгүй хэсгүүд юм. Орчлон бүрт багаар бодход нэг Бурхан оногдох ба тэрээр Бүтээгчтэй хамтран орчлонг бүтээж мөн удирдан залж байдаг.
7. Бүхий л матери нь тодорхой нэг давтамжид хэлбэлзэн буй гэрлийн эрчим юм. Бүрэн ухамсар энэхүү эрчимд орших агаад энэ нь яагаад бидний удамшлын гинжин хэлхээс (ДНХ) эсвэл бидний тархи материт нөлөөлж болохыг харуулсан жишээ юм. Дэлхий гариг дээрх бүх мэдлэг, ердийн бодлууд болон хүсэл зорилгууд нь нийлээд гаригийн хамтын ухамсрыг бий болгож байдаг. Бидний нийгэм нь бидний хамтын ухамсрын шууд тусгал юм.
8. Өнөөгийн дэлхий дээрх хүмүүс нь маш олон жилийн өмнө хамгийн муу сөрөг давтамж бүхий харийхан өмнөд африкийн уугуул хүмүүс дээр хийсэн генетикийн туршилтын дүнд бий болсон юм. Үүгээр бидний ДНХ-г үргэлж боолчлогдон байхаар шинэчлэн тохируулсан ба үүний уршгаар бидний бие амархан өвчлөлд өртөмтгий хэврэг болж, ухамсар маань маш ихээр хумигдан доройтсон.
9. Хүмүүний сүнс нь ухамсрын дээд хөгжилд хүртлээ амьдралын байж болох бүхий л хэлбэрүүд болон ёс суртахууны бүхий л хэм хэмжээг үзэж туулан дадлагажиж, туршлага хуримтлуулахын тулд маш олон удаа төрөл авах болдог. Эдгээр олон удаагийн амьдралуудыг туулах явцдаа сүнс диваажинд түр завсарлага авч, үзэж өнгөрүүлсэн хичээл буюу амьдрал туршлагаа бататган дүгнэж ирэх амьдралууддаа аль туршлагуудыг олж авахаа өндөр түвшний сүнслэг оюуны хөтөчийн тусламжтайгаар төлөвлөдөг.
10. Бүхий л амьдралууд нь өөр хоорондоо ялгаатай хугацаанд үргэлжлэх эргэлт мөчлөгүүдийг дамжин явагдаж байдаг. Одоогийн байдлаар дэлхий маань Дэвшил хэмээх үйл явцыг туулж байгаа ба үүнд хоёр туйлт мөчлөг дуусах үйл явц ба өндөр хэмжээстэд эв зохиролын эрин эхэлж буй үйл явцууд орж байна.
Тэгэхээр та одоо юу гэж бодож байна? Сонирхолтой л юм гэж үү? Эсвэл байж боломгүй, утгагүй зүйлс байна гэж бодож байна уу? Хэрэв та 2 дахь нь бол нэмж лавлан, интэрнэтээр хайлт хийж үзэж яагаад болохгүй гэж? Тэнд бидний бичсэн зүйлсийн агуулгууд нь байж байгаа. Мөн эдгээр нь ердөө ч хуурамч баримтууд биш юм.
Үгүй ээ тоглоогүй, бид үнэнийг л ярьж байна.

Хүчирхэг мэдээллийн хэрэгсэл
Мэдээллийн хэрэгсэлгүйгээр дэлхий ертөнцийн тухай хир ихийг мэдэж чадах байсан бэ? гэж та өөрөөсөө асуувал тиймч их биш гэсэн хариулт өөртөө өгөх байсан байх. Та бүх шатны сургуульд үздэг номнууд мөн өөр хэдэн номнууд уншсан байг, та өөрөө нилээд аялсан бас найз нөхдөөсөө аяллынх нь талаар бас бус олж сонссон байг. Ингээл дуусаа, ердөө л энэ. Зөвүү? Таны Дэлхийг харах өнцөгт мэдээллийн хэрэгслийн зүгээс үзүүлэх нөлөө үнэндээ асар их юм. Нийгмийн тухай, танай орны болон бусад орны амьдрал, аж байдлын тухай, дэлхийн түүх гэх мэтээс авхуулаад бүхий л мэдлэгийг та мэдээллийн хэрэгслээр дамжуулан олж авсан байдаг. Нэг ийм үзэл санаа байна: бүх мэдээллийн хэрэгслүүд үгсэн хамтарч ажилладаг ба тэд таныг огтоос оршин байдаггүй зүйлд албадан итгүүлж, үнэхээр оршин байдаг зүйлсийг байдаггүй мэтээр харагдуулж нуун далдалдаг (хуурмаг дүр зураг үүсгэж) байх боломжтой. Үнэмшмээргүй сонсогдож байгаа хэдий ч энэ нь магадлалтай юм. Үнэн худлыг дэнслэх үү? Хамгийн том ОНМХ-н компаниуд, Reuters болон Associated press гэх мэтийн аварга хэвлэлийн агентлагууд хоорондоо биенээ сайтар мэдэх хэдхэн хүнээс бүрдэх жижиг бүлгийн мэдэлд байдгийг та мэдсэн үү? Яг тэр жижиг бүлэг Америкийн Холбооны Нөөцийн Банк болон дэлхийн хамгийн том эмийн үйлдвэрүүдийг эзэмшдэгийг ч бас мэдсэн үү? Бид үүнийг санаанаасаа зохиож бичээгүй юм шүү, эдгээрийг судалсны үндсэн дээр бичсэн болно. Эдгээр байгууллагууд нь Рокфеллер, Ротчилд, Морган гэх мэт цааш үргэлжлэх танил нэрс бүхий гэр бүлүүдийн гарт байдаг. Дараагийн асуулт: НҮБ, НАТО, Дэлхийн банк, ОУВС, ДЭМБ зэргийг хэн үндэслэн байгуулсан гэж та бодож байна? Итгэнэ үү байна уу ямартай ч тэдгээр нь өнөөх л нэрнүүд юм. Цааш бүрч солиормоор зүйлсийг нэмье л дээ. Freemason гэх мэтийн улс төрийн маш нууц бүлгүүд, Ватикан зэрэг зөвхөн шашны шууд удирдлаганд байдаг байгууллагуудыг хэн бий болгож мөн өөрсдийн олж авсан боловсрол мэдлэг, хичээл зүтгэлийнхээ ачаар төрийн дээд албанд гарсан гэх өнөөгийн дэлхийн бараг бүх улс төрийн удирдагч нарыг хэн гаргаж ирдэг гэж бодож байна? Тиймээ, та таачихлаа, нөгөө цөөхүүлээ жижиг бүлэг чинь.

Илюминати гэж хэн байж таарах вэ?
Энэ нь гишүүд нь хоорондоо ах дүүгийн барилдлагаар холбогдсон, өөрсдийгөө илюминати хэмээн нэрлэдэг жижиг бүлэг юм. Үндсэндээ 13 асар баян гэр бүлүүдээс бүрддэг. Үүний хөрөнгийн байдлыг илэрхийлбэл тэдний хажууд Билл Гэйтс үнэндээ ноорхой ядуу эр гэхэд болхоор хэдий ч одоог хүртэл тэдний тухай дорвитой мэдээ ОНМХ-ээр цацагдаж байсангүй (мэдээж тэд мэдээллийг олон нийтэд цацахаасаа урьтаж энэ тал дээр санаа тавьдаг байж таарна). Тэд бараг л бүх тодорхой хэмжээнд хүчирхэгжсэн байгууллагуудыг багтаасан дэлхийн хэмжээний сүлжээг бий болгосон. Үүнд засгийн газрууд удирдлагуудаасаа эхлээд нууц албаныхан хүртлээ, их сургуулиудаас авхуулаад Макдоналдс мэтийн хоолны сүлжээний газрууд хүртэл орно. Хэрэв та илюминатуудын мэдлийн байгууллагуудын нэрсийг жагсаан харвал нүдэндээ ч итгэхгүй байх байсан.
Танд жаахан таагүй мэдрэмж төрж эхэлж байгаа бол үймрэхээ азнаарай. Үнэндээ санаа зовох зүйл юу ч байхгүй, учрыг нь бид дараа тайлбарлах болно.
Тэгхээр эдгээр кабалууд томоохон ОНМХ (интернэтээс бусад)-үүдийг хяналтдаа байлгадаг ба зөвхөн итгүүлхийг хүссэн мэдээллүүдээр л таныг хангаж таны дэлхий ертөнцийг харах өнцөгийг үргэлж баттай хязгаарт барьж байдаг юм.
Гэвч танд өгөгдсөн тэрхүү зураглал нь үнэнээс гажсан байдаг. Жинхэнэ үнэн түүнээс хамаагүй агуу том гэдгийг бидний дээр дурдсан товч ишлэлүүдээс та аль хэдийн олж мэдсэн билээ. Тэрхүү илүү том, өргөн далайцтай үнэнийг хэрэв бүтнээр нь гаргаж харж чаддагсан бол ихэнх хүмүүсийн амьдрал орвонгоороо өөрчлөгдөх нь лавтай.
Одоо үед ОНМХ-г ашиглахгүйгээр чухал хэрэгцээт мэдээллийг олж авах арга хэрэгслүүд байгаа нь үнэхээр азтай, ялангуяа интернэт хэрэглээнд нэвтэрснээс хойш боломж бүүрч ихэссэн. Энэтхэг Төвд зэрэг орнуудад мөн нутгийн уугуул иргэд л амьдардаг бусад газруудад та барууны орнуудад бараг огт танигдаагүй маш чухал мэдлэгүүдийг олж авч болно. Жишээлбэл Шумерийнх шиг эртний бичээсүүд. Олон жилийн турш хүмүүс чухал үнэт мэдээллүүдийг гаргаж тавин нийтэлж байсан боловч ОНМХ-үүд тэгтэл их анхаарч олны хүртээл болгож байсангүй. Тэдгээрээс жишээ татвал: нууц үйлчилгээнүүд болон “хар ажиллагааны” (засгийн газрын нууц төслүүд) талаар нууцаар мэдээлэгч нар, өндөр түвшний эрдэмтэд, үхэлд ойр очсон хүмүүсийн туршлагууд, харийнхантай эсвэл өөд болоочдын сүнстэй харилцаж чаддаг хүмүүс, ховсын болон регрессийн аргаар өмнөх амьдрал руу нь буцааж засал хийгч нарын тухай гэх мэт.
Бид бол ямарч ягшмал сургааль онолд баригддаггүй, олон төрлийн үндэстнүүдээс бүрдсэн судлаачдын баг юм. Бидэнд байгаа ганц багаж зэвсэг гэвэл адил төстэй мэдрэмжүүд(эрүүл сэтгэлгээ) маань юм. Бид ажил мэргэжлийн бүхий л салбараас нийлсэн хүмүүс (эмчээс багш хүртэл, орчуулагчаас зураач хүртэл) ба биднийг адил төстэй болгодог хамгийн чухал зүйлс гэвэл бид бүгд сониуч бөгөөд нээлттэй үзэл бодолтой хүмүүс юм. Нилээд удаан хугацаанд бид дээр дурьдагдсан мэдээллүүдийн эх сурвалжуудыг судлан тодруулах ажлыг хийцгээж байна. Үнэхээр юу болоод байгааг олж мэдэхийн тулд ингэх нь зөв гэдгийг ойлгосон бусад хүмүүсийн адил та ч бас зурагтаа унтраагаад, сонингууд уншихаа бүр болих үед ОНМХ биднийг үнэхээр өөрсдийн хүссэнээрээ зурж байдаг уу үгүй юу гэдэгийг олж мэдэх болно. Дэлхий дээр болон түүний эргэн тойронд болж буй үйл явдлууд нь хоорондоо яв цав таардаг нэг л том эвлүүлдэг зургийг бий болгож байдаг юм.
Энэхүү вэбсайт нь тоглоход бэлэн эвлүүлдэг зураг юм!
Бүгдийг таван минутын дотор мэдэхийг хүсэн яарч буй эхлэн уншигч нарт зориулаад түүхийг бүхэлд нь нэг А4 хуудсанд багтаацгаая 😉
Энэ бүхэн таны өөрийн ертөнцийг үзэх үзэлтэй шууд нийцэхгүй байлаа гээд энэ нь тийм ч ноцтой асуудал биш юм, зүгээр л хэсэг хугацаанд хойш нь тавьчих. Зарим эрдэмтэд хэн нэгний ертөнцийг үзэх үзлийг өөрчлөх оролдлого нь тархины төв хэсэгт өвдөлт өгдөг гэж үздэг. Мэдээж манай вэбсайт таны толгой өвдөх шалтгаан нь байгаасай гэж бид хүсэхгүй л байна 😊. Та дээрх бүгдийг уншсан бас эх сурвалжуудыг нь ч бүгдийг уншсан боловч бидэнтэй нэг л санал нийлж өгөхгүй байвал зүгээр л шууд бидэн рүү бичээрэй. Бид танаас зарим нэг зүйлийг суралцах ч юм билүү.
За одоо цааш явцгаая…

Орчуулсан: Төгсөө Жаамаа

Эх сурвалж: Линк