2008 оны 7 сарын 16 Лерина Гарсиа Гордо гэх нэгэн бүсгүй онлайн хэлэлцүүлэг дээр туслаач гэж бичсэн байна. 41 настай Испани бүсгүй зэргэлдээ ертөнцөд сэрсэн гэж мэдэгдсэн байна. Тэр ертөнц түүнийг унтахаас өмнө байсан шиг байгаагүй гэжээ. Гэсэн хэдий ч түүний амьдралын олон янзын талууд дахь жижиг сажиг зөрчилдөөнүүд түүнийг үнэндээ өөр нэг ертөнцөд байгааг итгүүлэхэд хүрсэн гэжээ. Түүний түүхийг энд өгүүлэе.
7 сарын 16 ны нэгэн өглөө Лерина сэрэхдээ түүний ор хөнжлийн даавуу өөр өнгөтэй байгааг анзаарсан байна. Тэд маш өөр өнгөтэй өөр хослол байсан нь түүнийг балмагдуулж орхижээ. Оновчтой тайлбар олох арга олдсонгүй, тэгээд босч албандаа явахаар бэлтгэсэн байна. Тэр алба бол түүний өнгөрсөн 20 жилд хийж байгаа ажил юм. Түүний машин орхисон байрандаа биш байлаа. Найз залуугаасаа салснаас хойш тэр байршилд машинаа орхихоо больсон байв. Тэгээд машиндаа суугаад, явдаг замаараа хөдөллөө. Тэр энэ байранд 7 жилийн өмнө нүүж ирсэн тул дасал болсон зам мөн байлаа. Ор хөнжлийн даавуунаас бусдаар Леринад ажлын газраа ирэх хүртэл бүх зүйл хэвийн санагдаж байв. Харин ажлын газрын байрандаа ирээд хэд хэдэн таарч байгаагүй хүмүүсийг харсан боловч тийм ч их сэжиг төрсөнгүй. Лерина албаныхаа хаалган дээр ирээд өөр нэртэй хаяг үүдэнд нь байхыг олж нээжээ. Түүний нэр биш байлаа. Тэгээд өөрийгөө барилгын ондоо давхарт байгаа байх гэж бодоод анзаартал яг л зөв давхарт байгаагаа мэджээ. Тэрээр зөв газраа ирсэн ч, зөвхөн түүний нэр солигдсон байв. Лерина эргэлзээд, түүнийг ажлаас нь халсныг хэн ч түүнд хэлээгүй юм болов уу гэж гайхаж байв. Тэрээр компьютороо гаргаад компаныхаа веб хуудсанд холбогдож, өөрийгөө компанын ажилчдын жагсаалтад шалгахад нэр нь одоог хүртэл байгааг мэджээ. Гэвч тэрээр өөр менежерийн удирдлага дор огт өөр тасагт ажиллаж байгаагаа олж мэдэв. Түүний толгой эргэв. Тэрээр даруйхан зээлийн карт, жолооны үнэмлэх, ажлын үнэмлэхээ шалгахад бүгд зөв байв. Ижилхэн нэр, ижилхэн зураг, ижилхэн дугаарууд, ижилхэн мэдээллүүд нүдэнд тусч байв. Юу бодохоо мэдэхгүй, ажлынхандаа өөрийгөө өвчтэй гэж мэдэгдэв. Түүнтэй тохиолдсон зөрчилдөөнүүд түүнийг эрүүл мэндийн асуудалтай болсон юм болов уу гэж бодоход хүргэжээ. Тэр чөлөө авсан болохор шуудхан эмчид үзүүлэхээр явав. Тэндээ шинжилгээ өгч, түүний биед ямар нэг мансууруулах бодисын шинж тэмдэг байгаа эсэхийг шалгуулав. Шинжилгээнүүд хэвийн, түүний биед ямар ч мансууруулах бодис, архины нөлөө байхгүй гэж гарчээ. Лерина гэртээ эргэж ирээд өөрийн хувийн эд зүйлсийг шалгаж үзэв. Банкны мэдүүлэг, төлбөрийн баримтуудаа дахин дахин шалгав. Бүгд л зөв мэдээлэл байх шиг байлаа. Түүний толгойд нэгэн бодол орж ирсэн нь хэрэв ой санамжаа алдсан бол яахав гэсэн таамаг байв. Ямар нэг зүйл түүнд тохиолдоод амьдралынхаа нэгээхэн хэсгийг санахгүй байгаа юм биш үү гэж бодогдов. Тэрээр интернетэд холбогдоод хайж эхлэв. Түүний харснаар мэдээнүүд болон гол тоймууд унтахаас өмнө байсантай нь адилхан байв. Тэгэхээр алдсан өдөр түүнд байгаагүй аж. Тэрээр үл ялиг өөр амьдралаар сэрсэн гэдгээ л мэдэж байв. Лерина 7 жил амьдарсан найз залуугаасаа салаад 6 сар болж байгаа аж. Саяханаас тэрээр зэргэлдээ гудамжны залуутай болзож эхлээд байгаа бөгөөд одоо 4 н сар өнгөрч байгаагаа сайн мэдэж байв. Тэгээд шинэ найз залуугынхаа утасны дугаар руу залгатал өөр хүн хариулсан байна. Тэр хүн Леринад, түүний тодорхойлсон шиг Августин нэртэй хүн тэр байшинд байхгүй гэж хариулав. Энэ мэдээ түүнийг цочирдуулсан байна, учир нь түүнтэй өнгөрсөн 4 сар гаруй болзож байгаа билээ. Тэр бүр түүний хүүтэй нь танилцсан бөгөөд сайн харилцаатай болсон байв. Гэтэл одоо түүний найз залуу болон хүүгийн сураг ч алга. Өдөр дундаа орох үед тэр өөр зөрчилдөөнүүдийг олсон байна. Тэрээр дараагын өдөр ажилдаа урьд өмнө байсан дүр үзүүлээд явахаас өөр сонголт байсангүй. Лерина найз залуу руугаа залгаад байсан ч, Августин түүний хүүгийн тухай хэн ч сонсоогүй байв. Яг л тэд хэзээ ч байгаагүй юм шиг. Тэгээд тэрээр хуучин найз залуугаа огт орхиогүйгээ олж мэдэв. Тэд хамтдаа 7 жил болсон, салах ямар ч шинжгүй байжээ.
Лерина юу бодохоо ч мэдэхээ байв. Түүний мэддэг байсан амьдралд юу тохиолдов? Түүний ажил мэргэжил яав? Тэрээр бүгдийг хий төсөөлөөд байгаа юм болов уу? Тэгээд түүний бодсон ганц зүйл нь магад тэрээр мэдрэлдээ гэмтэл авсан болов уу гэсэн бодол байв. Худал ой санамж суух хүртэл хүндэрсэн юм биш байгаа гэхээр түүний сэтгэцийн эмнэлэг дээр хийгдсэн шинжилгээ түүнийг цоо эрүүл биетэй, оюун санаа хэвийн байна гэж баталсан. Эмч нар түүнийг маш их ядаргаанаас болоод бүх зүйлийг хий харж байж болно гэж тайлбарласан байна. Тайлбарын хариуг үнэн биш гэж тэр бодож байв. Тэрээр найз залуу Августинаа хайсан боловч гар хоосон буцаж иржээ. Түүний хөлсөлсөн мөрдөгч Августин болон хүүг нь энэ хотод байдаггүй гэж баталсан байна. Леринаг дүүгийнхээ мөрний мэс заслын тухай асуухад гэр бүлийнхэн нь түүнийг галзуурсан гэж бодов. Лерина дүүгээ мөрөндөө мэс засал хийлгэсэн гэж баталсан боловч, гэрийнхэн нь түүн рүү гайхан харцгаав. Түүний мэдэгдлийг гэр бүлээс нь хэн ч дэмжсэнгүй. Тэдний гэрийнхний мэдэж байгаагаар ямар ч гишүүн нь мэс засалд ороогүй байна. Өдөр сарууд өнгөрөхөд Лерина өөрийнхөө амьдралд багахан ялгаанууд байгааг олж мэдсэн байна. Түүний шүүгээ, шургуулганд байгаа хувцаснуудыг худалдаж авсан эсэхээ санахгүй байв. Блогондоо хэдэн долоо хоног, өдрүүдийн турш оруулсан зүйлүүд нь алга болсон байв. Эмейлүүд болон чатнууд компьюторт нь хадлагдаагүй байв. Гэхдээ сайтууд дээрх мэдээллүүд, блогууд дэлхий ертөнц яг л тэр 7 сарын нэгэн өдөр орондоо орохоос өмнө байсан шиг янзаараа л байгаа мэт санагдаж байв.
Хэдэн сар өнгөрөхөд тэрээр хариулт олоогүй бөгөөд нэг шөнө орондоо ороод өглөө сэрэхдээ зэргэлдээ ертөнцөд сэрсэн гэж тэр итгэсэн байна. Лерина Гарсиа Гордо-д юу тохиолдсон бол? Өөр ертөнцөд амьдарч байсан гэж итгүүлдэг эрүүл мэндийн эмгэгээр шаналж байна уу, аль эсвэл тэр үнэхээр өөр ертөнцөд сэрэв үү?

Орчуулсан Д.Энхжаргал

Эх сурвалж: Линк