Хүн нэг бүрийн дотор анагаах хүч бий:
Бид зүсэгдэхэд бидний бие шархыг эдгээдэг. Бид уйлахад бидний зүрх болоод ухаан биднийг тайвшруулж, аргаддаг. Дотоод анагаах хүч бид бүгдийн дотор байдаг, харин тэнд байдгийг нь зөвхөн санаж явах хэрэгтэй юм. Бидний бие цогцос бол урлагийн хайхамшигт бүтээл. Таныг энэ нийтлэлийг уншиж байх зуур таны биед олон зуун мянган үйл ажиллагаа, хөгжил явагдаж байгаа.
Ийм ухаалаг бие махбодийг сайн хоол хүнс, дасгал хөдөлгөөн, цэвэр агаар, ус, их унтаж амрах зэргээр тэтгэж, халамжилж, хамгаалах хэрэгтэй. Гэхдээ бидэнд бас тоохгүй орхиж болохгүй тэтгэлт, халамж, хамгаалал хэрэгтэй сүнсний тал бий.
Үнэндээ хамгийн сайн эрүүл хоол хүнс хэрэглэж, өдөр бүр дасгал хөдөлгөөн хийдэг боловч, өөрийн сүнслэг талаа анхаарахгүй бол жинхэнээр эрүүл байх аргагүй юм.
Таны сүнслэг эрчим таны биеэс цацарч, танд туяарах гэрэл болон аураг өгдөг. Та магад энэ гэрэлтсэн аураг өөртөө болон бусдад харсан ч байж болох юм. Магад нүүрнээсээ гадаад ертөнц рүү туяарч байхыг мэдэрсэн байж болно.
Таны сүнсний эрчим, махан биеийн адил тэтгэгдэж, тордогдож, хамгаалагдах хэрэгтэй байдаг ч, голдуу үл тоогдож, орхигдож байна. Бид ихэнхдээ өөрсдийн сүнслэг талтай хослохгүй, түүний эрчимлэг талыг үл хүндэтгэдэг.
Энэ эрчимлэг тал бидний зөн совин болон дотоод луужинг захирдаг. Энэ нь биднийг зөвхөн өөрсдөөсөө гадна, ямар нэг агуу зүйлтэй холбоотойг мэдрүүлж, амьдралын бүх шийдвэрүүд дундуур замчлахад тусалдаг.
Та сайн унтаж амарсан ч хүч чадалгүй мэт мэдэрч, амьдралд бүх зүйл сайн сайхан байхад ч баяр баясгаланг олоход хэцүү байвал, магад та энэхүү сүнслэг эрчмээ сэргээж, нэмэгдүүлэх хэрэгтэй учраас тэр.
Сүнслэг эрчмээ сэргээх хэрэгтэй бусад шинж тэмдэгүүд:
Танд хамаагүй юмуу гадна байгаа мэт мэдрэмж төрөх, зорилгодоо хүрсэн хэдий ч урам зоригоор дутмаг байх, зорилгогүй мэт мэдрэмж, амьдралыг гүн гүнзгий ойлгож, харж мэдрэх хүсэл, байнгын сэтгэл дарамттай, тайван биш мэдрэх зэрэг орно. Сүнслэг эрчмээ сэргээх хүчирхэг арга бол өөртөө анагаалт илгээх явдал юм. Үүнийг хэн ч хийж чадах бөгөөд энд хэрхэн хийхийг харуулая:

Алхам 1: Дуу чимээ багатай саад болохооргүй газар ол. Суух юмуу хэвтэж болно. Нүдээ аниад 5-н удаа гүн амьсгал ав. Амьсгалаа цээж хүртэл биш, гэдэс хүртэл гүн авахаа магадлаарай.
Алхам 2: Хоёр гараа залбирлийн байдалд хамтад нь бариад алга болон хурууны үзүүрээ нийлүүлнэ. Эхлээд гараа дух буюу билгийн мэлмий рүү өргөөд, тэднийг доошлуулан зүрхний төвд авчирна. Таны дух болоод цээж 2 хүчирхэг хүрдийг агуулдаг учраас энэ хөдөлгөөн тэднийг идэвхжүүлэх болно.
Алхам 3: Одоо 2 гараа хооронд нь халуу дүүгтэл үрж эхэлнэ. Түүний дараа баруун гараа зүрхний төв дээр зүүн гараа хүйсний нүхэн дээр байрлуулна. Тэгээд тэтгэх гэрэл бие рүү тань нэвтрэн орж, таны бүх эрчмийн төвүүдийг анагааж, сэргээн, цэнэглэж байгаагаар харна. Гэрэл доошилсоор таны хөлийн үзүүр рүү болон толгойн орой руу явж байгаагаар дүрсэлнэ. Мөн цагаан цацарсан гэрэл таны биеэс туяарч, таныг хүрээлэн хамгаалах гэрлийг үүсгэж байна гэж төсөөлж болно.
Алхам 5: Та цагаан гэрлийн эрчмийг хангалттай авсан гэж мэдрэх үед нүдээ нээгээд гараа зөөлөн сэгсэр. Мөн босоод биеэ зөөлөн сэгсрэх юмуу цусны эргэлтийг хөдөлгөөнд оруулах хөнгөн дасгал хийж болно.
Алхам 6: Том аягаар ус уугаад үлдсэн өдөртөө их шингэн уухаа магадлаарай.
Энэ бол биедээ анагаах эрчим илгээх түргэн бөгөөд хялбар арга, мөн таны сүнслэг эрчмийг нэн даруй цэнэглэх юм. Сайн үр дүн хүсэж байвал энэхүү анагаалтыг өдөр бүр 15 минут орчим хийж заншаарай.