Ховсоор эмчлэгч Майкл Ньютон өөрийн үйлчлүүлэгчээ цаг хугацаанд ухрааж, тэдний өнгөрсөн амьдралын ой санамжыг сэргээдэг (регресс гипноз )аргыг хөгжүүлсэн байна. Энэ явцын үед тэрээр агуу нээлтийг хийсэн бөгөөд тэрээр сүнсүүдийг дараагын амьдралд явахын өмнө байдаг газар руу аваачиж чадсан байна. Амьдрал хоорондын амьдрал. 7000- аад хүнд хийсэн буцалтаас ихэнх хүмүүс тэдний “Гэр” гэж нэрлэж байгаа газрын тухай ижилхэн ой санамжуудтай байжээ. Ньютоны ажлын хамгийн сонирхолтой хэсэг бол тэр хэнтэй ажиллаж байгаа, тэд сүнсний талаар урьд өмнө ямар ойлголт, итгэл үнэмшилтэй байснаас үл хамаарсан байдал байв. Баримт гэвэл тэдний ихэнх нь энэ ойлголтод итгэдэггүй байсан бөгөөд ухраах ховсын дараа тэдгээр ихэнх хүмүүс бүрмөсөн өөрчлөгдсөн байна. Тэд өөрсдийн хэд хэдэн өнгөрсөн амьдралуудыг санах чадвартай байснаас гадна, өөрсдийн өмнөх амьдралуудаа одоогын амьдралтай харилцан холбоотойг тодорхой харж, мэдэрч байсан байна.

Амьдрал хоорондын амьдралууд

Ховсын эмчилгээний ертөнцөд өнгөрсөн амьдралаа санах нь нийтлэг үзэгдэл боловч Ньютоны ажил юугаараа онцлог байсан бэ гэхээр түүний субьектийг эхийн саванд байхаас нь эхлээд сануулах чадвар бөгөөд мөн түүнээс өмнөх  амьдрал бүрийн хооронд байх газарт аваачиж чаддагт байгаа юм. Энэ газарт сүнсний гэр бүлүүд гараа дэлгэн угтаж, хүлээж байдаг гэнэ. Ихэнх субьектуудын хараад цочирддог зүйл бол тэдний өмнөх амьдралд маш сорилттой туршлагуудаар тэднийг сорьж байсан хүмүүс тэнд байсныг харсан явдал байдаг. Ньютонийхоор түүний үйлчлүүлэгчээсээ авч байгаа амьдралын дараах амьдралтай холбоотой хариултууд тэдний мэдээллийн баттай байдлаас дүгнэхэд тэд маш үнэ цэнэтэй мэдээллээр хангаж байгаа гэж үзэж байна. Тэд хаана байсан, юу харж байгаа тухай адилхан үг хэллэг, ижил дүрслэл тодорхойлолтыг хэрэглэж байсан байна. Ньютон өөрийн түүхийг зохион ярих зорилготой байх шалтгаан хүнд байхгүй гэж үзэж байгаа бөгөөд тохиолдол бүрт анх удаа сонсож байгаа мэт ханддаг байна. Нөгөө үгээр хэлбэл тэр өөрийн санаа бодол, үг хэллэгийг тэдэнд санал болгодоггүй. Харин хүмүүст тэдгээр амьдралуудаа өөрсдийнхөөрөө илэрхийлэх эрх чөлөөг олгодог байна. Субьект бүрийн хоорондын ижил төстэй байдал нь маш гайхмаар бөгөөд дараах төстэй байдлууд түүнд багтсан байна:

• Дэлхий дээр үхлээр төгссөн хүмүүсийн сүнсний ой санамжын эхний үйл ажиллагаа үхэлтэй ойр байсан хүмүүсийн ой санамжтай адилхан байсан байна.
• Үхлийн дараа сүнс дэлхийгээс явахдаа ихэнхдээ сэтгэл зовниж байдаг ба олон тохиолдолд тэд оршуулга хүртлээ үлддэг байна.
• Ихэнх сүнсүүд диваажингийн гэрлийн зүг хонгилоор дайран өнгөрдөг байна.
• Сүнсүүдийг диваажинд нэвтрэхэд физик барилга байгууламжууд болон харагдах байдал дэлхийнхтэй төстэй байдаг нь тэднийг шилжилт хийхэд хөнгөн байлгах зорилготой байдаг.
• Бусад сүнсүүдтэй харилцахдаа сүнсүүд өмнөх амьдралын төрх хэлбэрээ тусган харуулах чадвартай байдаг байна.
• Дэлхий дээрх үхлийн дараахан сүнсүүд эхлээд өөрсдийн сүнсний хөтчүүдтэй болон өөрийнхөө өмнөх амьдралд ойр байсан хүмүүстэй эхлээд таардаг байна.
• Сүнсний хөтчүүд тэнд хамгаалах үүрэг ролио үргэлжлүүлдэг.
• Диваажин дахь харилцаа холбоо телепатаар дамжин хийгддэг.
• Сүнсүүд хоорондын ухамсрын хувь хэлбэр нь мэдрэхүйгээр дамжин тусдаа оршдог.
• Гоуст буюу сүлдүүд ихэнхдээ сэтгэл дундуур байгаа, дэлхийн орон зайд үлдэх сонголт хийсэн сүнсүүдийг хэлнэ. Тэдний хүнд саад болохыг нь зогсоохын тулд эксорсизм болон олон янзын арга замтай тэд тохиолдох хэрэгтэй болдог.
• Бусдыг хорлох гэсэн хүний муу санаанаас гарах чадваргүй сүнсүүд сүнсний ертөнцөд нэвтрэхээс өмнө тусгаарлалтад хэсэг хугацаанд байдаг. Тэдний дараагын төрөл авалт кармын эргэлтийн хуулиар хохирогч болох тохиолдол байдаг.
• Ирж байгаа сүнсүүд дэлхийн амьдралын дараа сүнсний бүрэн бүтэн байдлаа сэргээхээр анагаах газарт ирж болно.
• Амьдралаа эргэн харах явцыг эхлээд сүнсний хөтчүүдтэй, дараа нь настнуудын зөвлөлтэй хамтран явуулдаг.
• Сүнсүүд диваажин дахь зорьсон газраа хүрэхдээ том шаталчилсан хэсгүүдээр аялдаг.
• Сүнсүүдийн нэгдэлд шилжихдээ тунгалаг бөмбөлгүүдийн бөөгнөрөл юмуу булцуу мэт харагдах сүнсний эрчмийн жижиг хэсгүүдийн бүлэгт шилждэг. Тэр бөөгнөрөл нь ирж байгаа сүнстэй өнгөрсөн амьдралуудаа хуваалцаж байсан сүнсүүдийг агуулдаг.
• Бүлгүүдийн байршуулалт сүнсний түвшингээр шийдэгддэг.
• Хоёрдогч бүлгүүд анхдагч бүлгүүдтэй харилцан холбоотой байдаг.
• Нэг бүлэгт оршиж байгаа сүнсүүдэд хоорондоо харилцах, аялах боломжууд байдаг.
• Хэрэв нэгэнт сүнсний бүлэг бүрдсэн бол шинэ гишүүн нэмэгддэггүй.
• Сүнсүүд ижил төстэй шинж байдлаараа бусадтай бүлэг болдог.
• Сүнс хөгжлийнхөө өндөр түвшинд бүлгийн үйл ажиллагаанаас илүү бие даасан хэлбэртэй болдог.
• Сүнсний гэрэл сүнсний хөгжлийн төлөв байдлыг хамаарах өнгийг харуулдаг.
• Сүнсний ертөнц ахиц дэвшлийг хянаж байгаа багш сүнсийн удирдлага доор байдаг олон ангитай, сургуулийн байшинг санагдуулам байдаг.
• Бүх сүнсүүдэд өөрсдийн хөтчүүд байх бөгөөд хэдэн зуун мянган жилээс хэд хэдэн амьдралууддаа хамт байсан байдаг.
• Залуу хөтчүүд бас томилогдох бөгөөд сүнсээ бас хөгжүүлдэг.
• Сүнсүүд дэлхий дээр нэг зэрэг хоёр амьдралаар амьдарч болдог.
• Хөтчүүд нэг бол хүний дүрээр, мөн сүнс хэлбэрээр байж болдог.
• Дэлхий дээр өнөөдөр байгаа ихэнх сүнсүүд хөгжлийнхөө эхний үе шатанд байгаа.
• Бидний сүнсний унтаа хэсэг төрөл авалтуудын үед диваажиндаа үлддэг.
• Сүнсүүд физик эд зүйлийг бодлоор бүтээх арга техникийг энгийн жижиг даалгавраас эхлэн суралцдаг.
• Сүнсүүд дэлхийгээс гадна бусад ертөнцүүдэд төрөл авдаг.
• Сүнсний хөгжил дэвшил төрөл авалт явагддаг түвшингээс цааш түвшинд бас үргэлжилдэг.
• Ойрын зуунуудад сүнсүүд илүү олон удаа төрөл авсан бөгөөд өнөөдөр байгаа сүнсүүдэд өнгөрсөн зуунд гэхэд хоёр амьдралууд байсан байдаг.
• Сүнсүүд төрөл авах албагүй ч зөв цаг нь ирсэн үед сүнсний хөтчүүдийн зүгээс тоохгүй байх аргагүй шахалт ирдэг.
• Сүнсүүд тэднийг онцгой амьдрал руу чиглүүлэх, сонголтоо хийсэн амьдрах газар руугаа явдаг.
• Сүнсүүд өнгөрсөн амьдралууддаа байсан газарзүйн ижил байрлалд төрөл авах хандлагатай байдаг.
• Биеийн тахир дутууг давж туулахад шаардагдах хүчин чармайлт нь сүнсний хөгжлийг хурдасгадаг.
• Сүнсүүд шинээр төрөл авахаас өмнө сүнсний ертөнцдөө ойр байсан сүнсүүдтэй ирээдүйд дэлхий дээр таарах бусад сүнсүүдээс ирэх тэмдэг дохиог танихад урьдчилан суралцдаг.
• Сүнсүүд хонгилоор дамжин нялх хүүхдийн биед орохоор диваажинг орхидог.
• Төрсний дараах биет цочрол үхлийнхээс ч илүү байдаг.
• Сүнсүүд нялх хүүхдийн биед төрөхөөс өмнөхөн юмуу, төрөх үеэр эсвэл төрснөөс хэдхэн хормын дараахан ирж болдог.

Дахин хэлэхэд энэ түвшний ижил төс бус,мөн нарийн чухал хэсгүүд нь маш сонирхолтой. Гэвч энэ ховсод орсон мянга мянган хүмүүсийн олонх нь төрөл авалт, сүнс болон эх сурвалжын ухамсар байдагт өмнө нь огт итгэдэггүй байсан байдаг. Энэ туршлага нь тэдний оюун санааг бүрэн өөрчилсөн байдаг.

Нэг тохиолдолд энэ амьдралдаа аавтайгаа харилцахдаа үргэлж сорилттой таардаг нэгэн эмэгтэй, аавынх нь сүнс өнгөрсөн амьдралд түүнийг алсан эрэгтэйн биед оршиж байсныг олж харсан байна. Тэгэхлээр тэр эмэгтэй, сүнсний гэр бүл болж байгаа гишүүн бүр бидний бодож байгаа шиг байдаггүйг харсан байна. Бидний амьдралд хамгийн их зовлон авчирж байгаа зарим хүмүүс бидний сүнсний хамгийн сайн сайхан ашиг тусын төлөө биднийг хөгжин дэвшихэд туслахын тулд байх нь бас бий. Бидний заримд энэ нь гүн түвшинд явагдаж байж болно.

Орчуулан түүвэрлэсэн Д.Энхжаргал

Эх сурвалж: Линк