Мод бол Тай мастеруудын хувьд маш хүчирхэг юм. Нүүрстөрөгчийг хийг шингээж хүчилтөрөгч болгохоос гадна мод бас сөрөг эрчмийг эерэгт хувиргах чадалтай. Модны үндэс хөрс рүү гүн орсон байх тусмаа түүний үндэс гүн, илүү өндөр ургадаг. Мод мөн дэлхийн эрчмийг газраас, ертөнцийн эрчим хүчийг тэнгэрээс шингээж авдаг. Мод бол дэлхий дээрх хамгийн сүнслэг ургамал гэж тооцогддог, учир нь тэд нарийн эрчмээр үргэлж бясалгаж байдаг юм. Харин хүн тэдний хэлийг ойлгож байвал тэдэнтэй холбоо харилцаа тогтоож болно. Мод танд амар амгалан, төвлөрсөн эрч хүчийг өгч, эрчмийн сувгуудыг тань нээхэд тусална. Тэднийг гацсан хаагдсан эрчмүүдээс нь ангижрахад тусалснаар та ч бас тэдэнд ач тустай. Яг л бусад харилцааны адилаар бие биетэйгээ байнгын харилцаа холбоог хөгжүүлснээр хэн хэндээ харилцан тустай байж болно.

Модны Чи эрчмийг өөрийгөө анагаахад хэрхэн ашиглах вэ?

Энергийн харилцаа холбоог модтой бий болгож, өөрийгөө аажмаар анагаахдаа зөв модоо сонгох дараах алхамыг дагаарай.

1. Зөв модоо хэрхэн сонгох вэ?

Хүн төрөлхтөн оршин байгаа цагаасаа л модны хэсгүүдийг анагаах эм болгон ашиглаж ирсэн билээ. Энэ хугацаанд хүмүүс ямар модыг ямар төрлийн эмчилгээнд хэрэглэдгийг олж мэдсэн байдаг. Нарс мэт том мод хамгийн сайн. Тэр нь Чи эрчмийг гаргаж, цусанд шим тэжээл өгч, мэдрэлийн системийг бэхжүүлдэг, тэр ч байтугай сүнсийг тэжээн тэтгэж урт наслахад тусалдаг. Нарс эртний Хятадын яруу найраг, уран зурагт хамгийн их дүрслэгддэг ба үхэшгүй мөнхийн мод гэж тооцогддог. Түүнээс гадна өөр олон моддыг сонгож болно. Гол горхины ойролцоох том модууд маш сайн бөгөөд хамгийн их эрчимтэй байдаг.  Модууд бас өөрийн гэсэн зан араншинтай. Зарим нэг нь халуун бүлээн байхад зарим нь хүйтэн сэрүүн байдаг. Байнгын дадал бясалгалаар та нэгийг нөгөөгөөс нь ялгах боломжтой.

Модны шинж чанарын ялгаанууд: (жич: англи нэрээр нь зургыг нь хайж үзээрэй)

Cypress,Cedar / Агар болон Хуш мод халууныг бууруулж Инь эрчмээр тэтгэнэ.

Willow/ Уд мод хуурай салхийг хөөж, бие дэх илүүдэл чийгийг багасгана, цусны даралтыг бууруулж, шээсний замын болон давсагны үйл ажиллагааг сайжруулна.

Elm/ Хайлаас мод оюун санааг тайвшруулж гэдэсний ажиллагааг бэхжүүлнэ.

Маple/ Агч мод хуурай салхитай тэмцэж, ямар ч төрлийн өвдөлтийг намдаана.

Cаrоb/ Арабын мөнх ногоон мод биеийн дотоод халууныг бууруулж, зүрхний ажиллагааг тэнцвэржүүлнэ.

Banyan, Fingaly figs/  Усан мод болон Фингалийн инжир мод зүрхийг ариусгаж, биеийн чийгийг багасгахад дэмтэй.

Cinnamon/ Шанц мод зүрх болон гэдэсний хүйтнийг авна.

Fir/Жодоо мод хөхрөлтийг шингээж хөлрөлтийг багасган, ясны хугарлыг эдгээнэ.

Hawthorn/ Долоогоно мод хоол боловсруулах ажиллагаанд тустай, цусны бага даралттай тэмцэж, гэдэс ходоодны ажиллагааг сайжруулна.

Birches/ Хус мод биеийн бага темдературыг дэмнэж, биеэс хорыг гадагшлуулна.

Prune/Чавганы мод гэдэс, дэлүү, нойр булчирхайг тэтгэж, оюун санааг амраана.

Figs/ Инжир мод биеийн халууныг шүлс их ялгаруулалтаар бууруулж, дэлүүг эмнэж, гүйлгэлтийг зогсоодог.

Knees/ давсагны үйл ажиллагааг бэхжүүлж шээсний зовиуруудыг багасгана

Гэхдээ жижиг модуудад таныг багтаах эрчим хүрэлцэхгүй, харин бүр том модууд эрчмээрээ таныг живүүлж магад гэдгийг санаж явах хэрэгтэй. Тиймээс дунд зэргийн хүчирхэг модыг сонгох нь хамгийн зөв.

2. Модтой эрчмийн холбоо хэрхэн тогтоох вэ?

Та модтой харилцан ойлголцох чимээгүй холбоог тогтоож болно. Гэхдээ эхлээд уг модныхоо амьдрал, хувийн төлөв байдлыг харах хэрэгтэй. Зарим мод маш өгөөмөр бөгөөд танд хэрэгтэй эрчмийг хурдан өгдөг. Зарим нэг модууд сул дорой юмуу өвчилсөн байдаг тэгвэл түүнд таны анагаах хэрчим эхлээд хэрэгтэй. Зарим модод маш нөхөрсөг байдаг бол зарим нэг нь тэдний эрчмээс хамаарч тэс ондоо байх нь бий. Тэр болгонтой бүгдтэй нь ажиллаж байж, хамгийн сайн болох модоо олно. Тэдэнд хүндэтгэлтэй хандаж, нээлттэй байх хэрэгтэй ба өөрийн зорилгоо хэтрүүлж тэднийг хүндрүүлж болохгүй. Модтой ойрын холбоо тогтоохдоо хамгийн анхаарах зүйл бол та түүнд хүрээд, ичиж зоволгүйгээр өөрийгөө нээж өгч, түүнийг хайрлангаа өөрийн зорилгоо тодорхой байлгах хэрэгтэй. Модтой эрчмийн харилцааг бий болгохдоо дараах элементүүдийг хэрэглэн идэвхжүүлэх хэрэгтэй. Үүнд: Хүрэх, Нээлттэй байх, Хүндэтгэлтэй, Хайрлах орно. Мөн модны ойролцоо 30 -аад минут байх хэрэгтэй. Гэхдээ зарим модууд эрчмээсээ хамаарч танд хариуг хурдан өгөх нь бий. Танд дадал болгох дараах арга техникүүд бий.

1. Мод тэврэх- модны эрчмийг өөртөө шингээгээд эргүүлж өгөхдөө гарын дотоод хэсэг болон алгаа ашиглах, Хурууны үзүүрээ, мөн гадна талыг нь хүргэнэ 
2. Мод руу харан суух- Модны Чи эрчмийг алгаараа хүлээж аваад 10 фит гүн рүү эрчмийг илгээнэ 
3. Модны дэргэд бясалгах- Модны микросансрын тойрог цэгээр дамжуулан эрчмийг өөртөө шингээнэ. 
4. Модны эгц өөдөөс харах- модны Чи эрчим болон дэлхийн эрчмийг зулайгаар шингээн дамжуулна. 

3. Анагаах явцыг хэрхэн эхлүүлэх вэ?

Модон дээрээ байнга айлчилна. Модтой холбоо тогтоох нь хүнтэй тогтоох харилцаанаас удаан байдаг. Гэхдээ та нэг л модон дээрээ байнга ирснээр урт удаан нөхөрлөлийг эхлүүлэх болно. Таныг байнга айлчилдаг болсны дараа мод таныг хүлээж эхэлдэг. Заримдаа таныг үгүйлэх нь бий. Модтой тогтоосон сүнслэг харилцаа нь уян зөөлөн, мэдрэмжтэй хайрыг шаардана. Холбоогоо тогтоосны эцэст та нөхцөл байдлыг хянах гээд хэрэггүй. Өөрийгөө амрааж, харилцаа холбоондоо уусах хэрэгтэй. Модонд анагаах боломж өгснөөр таны асуудлуудыг шийдэж, танд нэмэлт туслалцааг хэрхэн олох талаар зөн совинтой зааварчилгааг өгөх болно. Харин танд асуудал байхгүй бол таны сүнслэг талын асуудлуудыг анагаадаг. Японд хүмүүс “ой модны угаалт” хийдэг бөгөөд эртний ой моддын билиг ухааныг шингээнгээ дуу чимээгүй орчинд байж, модны дундуур алхан өөрсдийн дархлааны системийг бэхжүүлдэг. Харин Тай мастерууд сурагчдаа модтой бясалгахыг зөвлөдөг ба мод хүний сөрөг эрчмийг шингээж, эрүүл эрчимээр орлуулдаг гэж итгэдэг байна. Модыг биеийн болоод сэтгэлзүйг анагаах эх үндэс гэж үздэг ба бясалгагчдын хувьд ертөнцийн эрчим хүчийг шингээдэг гэж үздэг байна.

Орчуулсан Д.Энхжаргал

Эх сурвалж: Линк