Сал Рачел

Энэ нийтлэл 4 хэмжээстийн бүтээгч бодол, төсөөлөл, карма болон цаг хугацааны ерөнхий зарчим түүнийг эзэмших замд тулгардаг бэрхшээлүүдийг илүү тодорхой болгоход тустай байж магадгүй.

4 хэмжээст бол бурхантай хамтран бүтээгч байхад суралцах, манай сансрын “зураглалын дэвтэр” юм. Ертөнц бидэнд бүтээх чадвараа оролдоод үзэж болох бүхэл бүтэн хэмжээстийг бидэнд өгсөн байна. Энэхүү бүтээх үйл явцад бодол санаа болон төсөөллийн багаж хэрэгсэл бидэнд өгөгдсөн байна. Энэ бол үлгэр биш. Бидэнд мөн өөрсдийн бүтээлээ байрлуулах хэд хэдэн дэд онгоц буюу реалм/ертөнц өгөгдсөн байдаг. Урлан бүтээх реалмыг бүрэн ойлгуулахын тулд бидэнд тэдгээр реалмууддаа өөрсдөө орох чадварыг хамт өгсөн байна. Энэ нь юу гэхлээр бид бодол төсөөллийг зурдаг зураачын хавтан дээр байдгаар зөвхөн санахын оронд тэдгээр ертөнцүүдийг бидний оршихуйтнууд биеэр байж болох ертөнц гэдэгт итгэж эхэлдэг. Бид 3 хэмжээстэд нэвтрэхэд бид энэ физик биет байсан гэж итгэдэгтэй ижилхэн зүйл тохиолддог. Харин одоо бидний олонхи бид бол оюун ухаанууд гэж итгэдэг болсон. Өөрийн инстинкт, сексийн дур сонирхол болон амьд үлдэхийн төлөө төвлөрөх зэрэгт 3 хэмжээстийн биеийн урхинд ороход амархан байдаг. Харин түүнээс салах нь оюун санааны урхитай харьцуулбал хөнгөхөн гэгддэг. Тэгэхлээр бүгдээрээ энэ өргөн ууудам оюун санааны реалм буюу Бурхан болох дадлагын газар дахь талуудын талаар товч харая. Мөн хэрхэн яагаад гацдаг, гацдаггүй тухай авч үзэе.

Дэд онгоц/ реалмуудын тодорхойлолт

4 хэмжээст гэж нэрлэгддэг энэ орон зай дараах дэд онгоцуудад хуваагддаг. Бага астрал, дунд астрал, дээд астрал, этерик буюу гэрлэн, ментал буюу оюун санааны, учир шалтгааны реалм/ертөнцүүд багтдаг.

Бага астрал бол бидний хамгийн хүнд нягтралтай бодол болон бүтээлүүдийг агуулах газар юм. Энэ газар бидний уй гашуу, уур хилэн, айдас, өшөө хилэнгээс шоовдорлогдсон өөрсдийн хэсгүүдийг олох газар юм. Энэ газрыг шашны бичиг номуудад “Там” хэмээн тодорхойлсон байдаг. Биднийг уур хилэн болон уй гашуудлаар өөрийн хэсгээ шоовдорлох бүрт тэдгээр хэсгүүд бага астралын реалмд үлддэг. Бид аливаа нэг зүйлд хүчтэй төвлөрөх үед тэр нь бодлын хэлбэрт орж, цаашлаад биежэн дангаар амьдарч эхэлдэг. Учир нь бид бол бүтээгчид бөгөөд бид оюун бодлын зургын хавтандаа юу тавина, тэр нь тэрхүү бүтээгдсэн реалмын дотор жинхэнэ болж хувирдаг. Бид ямарваа нэгэн бодол болон санаан дээр илүү хүчтэй төвлөрөх үед энэ нь илүү бодитой болж байдаг. Тэгээд тэр нь бодит болох тусам, хүчтэй эрчим хүч болдог. Тэр хүч нь хэлбэр дүрс болоод үзэгдэх чадвартай болж, бусад бодлын хэлбэрүүдтэй харилцан үйлчилж, хөдөлж чаддаг. Сөрөг астрал биетүүд бол бага астралын онгоц буюу газар доорх ертөнцийн гүнд шоовдорлогдож хаягдсан,төөрөлдсөн сүнсүүдийн хэсгүүд юм. Эдгээр сүнсүүдийн анхдагч хэсгүүд гадаад 3 хэмжээст ертөнцөд амьдарч байгаа хүн биетүүд байж болох бөгөөд тэд нарын хэсгүүд бодол төсөөллийн ертөнцөд гацсан байгааг мэдэхгүй явж байж болдог.

Дунд астрал реалм/ертөнц бол бид зүүдний төлөвтөө шөнөөр очдог тэр газар юм. Эдгээр ертөнцүүд 4 хэмжээстийн бүтэцдээ багтах реалитиэй бөгөөд эдгээр реалмуудын дотор бүхэл бүтэн өөрсдийн байршил, дүрэм журам зарчимуудтай  хотууд болон  ертөнцүүд оршдог байна. Жнь: Бичигч би өөрөө Сан Франциско хотын дунд астралд байх хотод олон тохиолдлоор очиж байсан бөгөөд тэр нь яг л физик ертөнцийн Сан Франциско хот шиг харагддаг. Астрал реалмын дотор газрууд тогтвортой, газрын зураг дээр зурж, чиглүүлж болдог яг л газрын хотуудыг тэмдэглэсэн байдаг шиг. Далай болон булан тохойнууд хэт том юмуу жижигийг эс тооцвол барагл л ойролцоо. Барилга байшингууд нь мөн том, жижиг, зарим нь физик төрхөөр байдаг бол зарим нь цэвэр астрал хэлбэрээр байдаг. Хэрэв та сэрүүн зүүдээ санадаг  бол энэхүү ертөнцийн нарийн ширийнийг эргэн санаж байж болох юм. Дунд астрал дах хүний дүрсүүд лаван бас хиймэл харагддаг. Хэрэв та зүүдлэх үедээ астрал биетийн нүд рүү харвал та зөвхөн цагааныг юмуу эсвэл дотроо хүүхэн хараагүй дан хар хэсгийг л харж болно. Мөн хүн дүрсүүд гэрэлтэж, туяарах бөгөөд хөвөх юмуу эргэлддэг.

Дээд астрал реалм/ ертөнц бол биеэс гарах туршлагын үед тохиоллдог олон сүнсүүд” мөнгөлөг утастай” тохиолддог гэх газар юм. Энэ газар бол мөн олон сүнсүүд төрөл авахын хооронд очдог, хайртай хүмүүстэйгээ юмуу тэдний  хэсгүүдтэй олж уулздаг гэх газар юм. Энд физик амьдралын түүхээ гүйлгэн харж, асуудлыг шийдэж болох юм. Хэрэв сүнс биеэ орхиод гэнэт энд ирвэл, тэр сүнс өөрийн шийдээгүй хэргээ гартаа оруулах хүртэл түр зуур байдаг. Амьдралын хичээлээ дуусгаад сүнс этерик реалмд дээд реалмын оршихуйтнууд болох мастерууд, тэнгэрүүд, сахиуснуудтай  зөвлөлдөх, тэднээр хөтлүүлэн замчлуулахаар хүргэгдэн ирдэг.

Этерик буюу гэрлэн реалм бол маш үзэсгэлэнтэй бөгөөд ид шид гэрэл зонхилсон ертөнц юм. Олон оюутнууд этерик реалмыг тэнгэрийн диваажинтай андуурч төөрөлддөг. Тэнгэрийн ертөнц бол маш өндөр хэлбэлздэг, маш нарийн түвшин бөгөөд сүнс өөрийн 4 хэмжээстийн биеэ/талаа бүрэн эзэмшин, удирдаж сурсны дараа хүрч болох газар юм. Этерик реалмд бодол тэр дороо биеллээ олж илэрхийлэгддэг. Энд та өөрийн хүссэн ямар ч зүйлээ авч болох газар бөгөөд хэрэв та хүсвэл мөнгөлөг таваг дээр хүргэгдэж ирдэг. Энэ ертөнцийг фейри/шидэт дагинууд, элф/ анаахайнууд, гноум/одой хүмүүс, дева буюу тэнгэрүүд, сахиусан тэнгэрүүд, дэвшсэн мастеруудаар хөтлөгдөж, замчлагддаг. Эдгээр нь астрал талуудтай адилгүй, бие даасан биет оршихуйн анхдагч үндэс болсон сүнсэн ардууд оршдог газар юм. Цаг хугацаа ба орон зай этерик реалмд мөн байх боловч гажуудсан, шахагдсан мэт маш өөр байна. Олон дэлхийн сүнсүүд биед  ирэхээсээ өмнө этерик реалмд байснаа эргэн санадаг.

Ментал буюу оюун ухааны реалм/ертөнц бол, бид төсөөлж, дүрслэж, бясалгах зэргээр өөрсдийгөө физик биетээр тусгадаг тэр реалм юм. Далдын болоод сүнслэг ур чадварууд, ментал ертөнцийг хэрэглэдэг бөгөөд бодит реалитиг бүтээдэг юм. Энэ бол ухамсарт оюун ухааны “зураглалын дэвтэр” юм. Энэ реалмыг бид физик реалити ертөнцийг бүтээхдээ хэрэглэдэг. Бид үйлдэл хийх бүрт бодлоор өмнө нь бүтээдэг. Энэ бодол ментал реалмд нэвтэрч элементүүд болон атомын хэсгүүдийг тэнд нь эрчимжүүлдэг. Бодолд их эрчмийг оруулснаар, оюун ухаан бодитоор биеийг үйлдэл хийлгэхээр чиглүүлж, гадаад бүтээлийг бий болгодог.

Учир шалтгааны ертөнц бол 4 хэмжээстийн хамгийн дээд түвшин. Энд сүнсүүд үйлийн үрийн тухай өнгөрсөн болон паралел амьдралуудын тухай нээж, суралцдаг газар юм. Учир шалтгааны ертөнц, сүнсний төрөл авалтын эргэлттэй шууд холбогддог бөгөөд дээд ертөнцүүд руу орох гүүр болж үйлчилдэг. Хүн бясалгалдаа учир шалтгааны ертөнцөд очоод бусад дэд реалм/ертөнцүүдэд нөлөөлж чадах өөрчлөлтийг хийж болдог. Учир шалтгааны ертөнцөд хийсэн өчүүхэн өөрчлөлт физик, астрал болон этерик ертөнцүүдэд томоохон өөрчлөлтийн үр нөлөөг үзүүлж чаддаг. Дахин төрөлтийн эргэлтэнд байхдаа тун цөөхөн сүнс учир шалтгааны реалм/ертөнцөд хүрч чаддаг.

Сүнс нэгэнт эдгээр 4 хэмжээстийн бүх түвшинг эзэмшиж төгсөх үед, 4 хэмжээстийн чанадад орших хайр болон тэнгэрийн реалмуудад нэвтэрдэг.

Ихэнх сүнсүүд 4 хэмжээстийг бүрэн даван туулах гэж урт удаан хугацааг өнгөрөөдөг. Учир нь бид өөрсдийн бодолтой хэтэрхий хамааралтай байж, тэдний үр дүнгээр бий болсон бүтээлүүдтэй зууралддаг. Бид эдгээр ертөнцүүдийн тод өнгө, мэдрэмжүүд болон сэтгэгдлүүдийг биширсээр байдаг. Бид өөрсдөө дэлгэц дээр гарах дүрслэл, хөдөлгөөнийг харахаар аль эсвэл ном уншихаар сууж байгаа гэдгээ мартаад, өөрсдөө яг л ном зохиол дээр гардаг шиг жүжиг драмд баригдчихдаг.

Хэрэв бидэнд шийдээгүй орхисон сэтгэл зүйн асуудлууд байгаа бол тэдгээр нь астрал болон ментал реалмд соронзлогдох хандлагатай болдог бөгөөд зовиур, уй гашуу, үхэл,уур хилэн, айдас, хүчирхийлэл болон таагүй үйл явдлын тухай бодох хүртэл хүрээгээ тэлсээр, бидний бодлыг сөрөг болгож байдаг.

Тэгэхлээр бид өөрийгөө чөлөөлөх эхний алхам бол гацсан байгаагаа таних явдал бөгөөд бурхнаас биднийг чөлөөлөх арга замыг зааж харуулахыг гуйх хэрэгтэй юм. Зөвхөн бидний дотор байх бурхны дуу хоолойг сонсох хүсэл, биднийг бурхантай болон дээд оршихуйн биетүүдтэй 100 хувь нэгтгэж, эдгээр реалмуудаар аюулгүй аялан, бүтээгчийн жинхэнэ реалм/ертөнцөд биднийг хүргэх юм. Хэрэв бид 5 болон дээд хэмжээстүүдэд нэгэнт хүрвэл, бид өөрсдөө бурхны гэх хүч чадлыг олж, шинэ хэмжээстэдд өөрсдийн зөв байр сууриа олж болох юм.

Энэ нийтлэл та бүхнийг дотоод ухаандаа нээгдэж, бүтээлч сэрэхүйгээ өдөөхөд тань  тусална гэж найдаж байна.

Орчуулсан Д.Энхжаргал

Эх сурвалж: Линк