70.8 Асуугч: Миний энд ойлгомоор байгаа зүйл бол Дээд би болон ухаан/бие/сүнсний цогц хэрхэн хамаарах талаар илүү мэдмээр байна. Дээд би гэдэг нь сөрөг цаг хугацаа орон зайд байрлаж байгаа ухаан/бие/сүнсний цогцоос тусдаа, 6 хэмжээстийн ухаан/бие/сүнсний хэсэг мөн үү?

Ра: Би бол Ра. Энэ бол үнэн. Дээд би нь 6 хэмжээстийн дунд хэсэгт байх оршихуй биет бөгөөд өөртөө эргэж үйлчлэхээр санал болгодог юм.

70.9 Асуугч: Би ухаан/бие/сүнсний ойлголтын талаар буруу бодож байж болох юм. Тухайлбал би энэ нягтралд байхдаа өөрийн дээд би-г төлөөлдөг гэж ойлгодог. Энэ ойлголт магад миний цаг хугацаа ба орон зай гэсэн ойлголтоос ирсэн байж болох юм. Би үүнийг тайлах гэж хичээж байна. Миний харж байгаагаар бол “Би” хоёр өөр орон зай болох энд болон 6 хэмжээстэд зэрэг оршиж байгаа, энэ зөв үү?

Ра: Би бол Ра: Та бол бүх түвшинд нэгэн зэрэг оршдог юм. Энэ нь чиний цаг хугацаа гэж хэмжиж байгаа аргаар бол, Дээд би гэдэг нь чиний ирээдүйн Би буюу 6 хэмжээстэд байгаа Чи гэдэг нь зөв.

70.10 : Асуугч: Миний таамаглаж байгаагаар 6 хэмжээстийн ухаан/бие/сүнснээс доош түвшинд оршдог бүх ухаан/бие/сүнсүүдэд 6 хэмжээстийн дунд хэсэгт оршдог ухаан/бие/сүнсний Дээд би байдаг. Энэ зөв үү?

Ра: Би бол Ра. Энэ нь зөв.

70.11 Асуугч: Хувь хүний Дээд би нь, зарим талаараа өөртэйгээ ижил ажиллагаатай ухаан/бие/сүнснийг хянадаг, магад таны хэлдэгээр бага нягтралуудад туршлага туулах зорилгоор хөдөлж, эцэст нь 6 хэмжээстийн дунд нягтрал дахь Дээд би дээ тэр туршлагаа дамжуулах юмуу нэгтгэдэг үү?

Ра: Би бол Ра. Энэ бол буруу байна. Дээд би өөрийн өнгөрсөн би-гүүдээ хянадаггүй. Харин боломжтой үед нь хамгаалж, асуусан үед нь хөтөлдөг, гэвч чөлөөт хүслийн (биет өөрийн хүслээр байх) хүч хамгийн чухал зүйл. Хүслээр бус (учир шалтгааны улмаас тохиолдох туршлага) болон чөлөөт хүсэл хоёрийн зөрчилдөөнтэй ойлголт “зэрэгцэн буюу нэг дор тохиолдол” жинхэнээсээ байдгыг хүлээн зөвшөөрөх үед арилдаг. Тэр утгаараа Дээд би бол ухаан/бие/сүнсээр туршлага туулсан бүх хөгжлийнхөө төгсгөлийн үр дүн юм.

70.12 Асуугч: Тэгвэл бидний харж байгаа 6 хэмжээстийн дунд үе хүртэлх урт аян замыг хэмжээсүүдээр дамжин туулдаг туршлагууд нь, 6 хэмжээстэд байх дээд би-гийн сэрэхүй болон чөлөөт хүслийн үр дүнгээр ажилладаг. Гэвч цаг хугацаа гэж хуурмаг тул, цаг хугацаа ба орон зай нэгдэхэд, бидний боддог цаг хугацаа гэж ойлголт арилдаг. Нэгэнт бүх зүйл нэг дор болдог юм бол бидний туулсан бүх туршлагын үр дүн болох Дээд би болон хэмжээстүүдээр дамжих хөгжлийн шалтгаанууд, хөгжил явагдаж байх үетэй зэрэгцэн оршиж, тохиолдож байдаг. Энэ зөв үү?

Ра: Би бол Ра. Метафизик (бодит байдалд тулгуурладаггүй хийсвэр ойлголт) оршихуйн ухагдахууныг ойлгоход асар их хүндрэлтэй байдаг тул бид зөв ярихаас татгалздаг. Цаг хугацаа ба орон зайд, та нарынхаар цаг хугацаа болон орон зай гэж нарийн тодорхой байдаг шиг , танай газар зүйд, танай хот тосгодод хүмүүс бизнэсээ явуулж, амьдрал нэг дор, үймээн бужигнаантай зэрэг өрнөж байдаг. Тэгэхлээр энэ нь өөрөө орон зай цаг хугацаан дотроо болдог.

70.13 Асуугч: 6 хэмжээстийн дунд хэсэгт оршиж байгаа Дээд би нь сөрөг болон эерэг туршлагууд нэг болж нэгдэх цэг. Үүнд учир шалтгаан гэж бий юу?

Ра: Би бол Ра. Бид энэ сэдвийг урьд нь оруулсан.

Орчуулсан Д.Энхжаргал

Эх сурвалж, Линк