1. Хүн төрөлхтөнд дуулгах сайн мэдээ

Мэнд байна уу. Бид бол Арктуриан зөвлөл байна. Та бүхэнтэй холбогдохдоо таатай байна.

Та дотооддоо, өөрийн байгаа энэ онцгой аян замтай хамааралтай мэдэрхүйдээ сэрсэн байна. Тэгээд тэр сэрэлт нь, гариг дээр болон таны хувийн амьдралд гарч байгаа их хэмжээний зөрчилдөөнийг давж гарах сэтгэлийн тэнхээ болон хүчийг танд өгч байна. Та энэ л онцгой аян замыг хийхээр энэ удаагын амьдралдаа төрсөн байгаа юм. Сэрсэн хүмүүс , 5 хэмжээстэд бүхэл шинэ ертөнц, шинэ дэлхийг бүтээж байгаагаа мэдэн, энэ аян замыг ухамсартайгаар болон санаатайгаар хийж байна.

Та өөрийгөө өөрчлөгдөж байгааг анх мэдсэн тэр үе бол үнэн хэрэгтээ дуудлага байсан юм. Тэр дуудлага таны хөтчүүдээс ирсэн байдаг. Таны хөтчүүд, танд шилжилтийн тухай сонсгож, түүний тухай мэдээлэл рүү  таныг хөтөлж оруулдаг. Дараа нь тэд, өөрчлөлт гэж танд ямар утга учиртай болох, та өөрийгөө тэр дундуур хэрхэн залуурдахыг өөрөө шийдэж чадах болоход, хяналтаа чөлөөлдөг.

Та бүхний олонхын дунд, нийт хүмүүсийн нэгдэл болохын хувьд, танд хэр үнэтэй тусах байсан ч хамаагүй сүүлийн хүчтэй түлхэлтийг хүсэх, түүнд бэлэн болсон гэх мэдрэмж төрж байна. Энэ төрлийн цөхрөл нь, таны сонсож байгаа, таны мэдэрч байгаа, таны харж байгаа шаналал зовлонгуудаас урган гарч байгаа юм. Гэхдээ цөхрөлийн зэрэг хэмжээ танд үйлчлэхгүй, учир нь та өөрчлөлт хийхийг үнэхээр их хүсэж байна, тэр нь ч хялбар.

Та  өөрийн болоод таны эргэн тойрныхны дотор ухамсрын хөгжил аажуухан тохиолдохыг үнэхээр хүсэж байна. Энэ бол та бүхний олонхийн сонгож байгаа шилжилт юм. Тэр нь бэртэл гэмтэл болон гай гамшиг хамгийн бага хэмжээтэй тохиолдох шилжилт юм.

Тиймээс, та одоо өөрийн бүтээж байгаа шилжилтийг гартаа авах цаг ирлээ. Мөн түүнийг дэмжихээр дараа нь юу тохиолдож болох талаар урьдчилан таамаглал эрж хайхаа зогсоох цаг ирлээ.

Энэ бол ухамсар дотор чинь, өөрчлөлтийн тань гол зүрх нь болох таны Хайр болон Гэрэл юм. Мөн  энэ бол та өөрөө төрөхөөсөө өмнө зорьж байсан зорилго чинь юм. Та энд хийхээр ирсэн  байгаа зорилгодоо хэзээ ч бүү бууж өг. Тэгээд ч та ухамсрын шилжилтдээ, энэ амьдралдаа хүрэх болно.

Бид Арктуриан зөвлөл

2. Том өөрчлөлт

Амар байна уу? Бид Арктуриан зөвлөл байна. Бид та бүхэнтэй холбогдохдоо таатай байна. Та бүхэнд явагдаж байгаа ухамсрын хөгжлийг гэрчлэн харахад үнэхээр баяртай байна. Та бүхэн хөгжилд хүргэх томоохон үсрэлтийнхээ дунд хавьцаа явж байна. Та бүхэн дэлхийд ихээр харж байгаа үймээн самууныг магад өөрийн амьдралдаа, махан биедээ ч тодорхой харж байна. Эдгээр бужигнаан таныг, зөв чиглэлд хөдөлгөж байгаа эсэхийг гайхаж байж болно.

Хурдтай өсөлт тохиолдох үед өсөлтийн зовиур шаналгаа дандаа бий болдог. Тэгээд түүнд дасан зохицох хэрэг гардаг. Одоо энэ дасан зохицолыг, хурдаа багасгах, илүү амрах, ус их уух замаар аль болох энгийн байлгаж болно. Та өөрийн өсөлтийг хадгалж тогтоохын тулд, удаашруулах юмуу хурдлуулах гэх хэрэггүй.

Та дэлхийд, ойр дотно хүмүүсийн болон үл таних хэн нэгний амьдралд үймээн самуун харах үедээ энэрэл нигүүслийг мэдрүүлэх өөрийн дотоод хүч байдгыг санаж, хязгааргүй Хайр-ыг санал болгож байгаарай. Та ирэх сар, жилүүдэд нийт хүмүүс хуваагдмал байдлаас илүүтэй бие биеэ дэмжин туслахыг харах болно.

Хүн бүхэн ялгаатай, давтагдашгүй боловч, та бүхэн эх үндсээрээ бүгд ижил юм гэдгийг ухаарч эхлэх болно. Мөн нийт хүн төрөлтний өөр нэг гишүүнд ямар нэг юм тохиолдох нь танд ч бас тохиолдож байгааг илүүтэй ухаарах болно. Та бүхэн бие биеийнхээ зовиур шаналалыг мэдрэх боловч, хамтдаа нэгдсэнээр түүнийг мэдэрч байгаа хэн нэгний болон хэсэг бүлгийн зовиур шаналалыг арилгаж чадна.

Энэ агуу өөрчлөлтийн болон эрчимжэж байгаа өсөлтийн зовиур шаналгааны цохилтыг зөөлрүүлэх Хүч таны дотор бий. Тиймээс дараагын удаад, үймээн бужигнаантай тохиолдох юмуу харах үед сэтгэлээр унах мэдрэмж төрвөл, юун түрүүнд үүнийг санаж яваарай.

Бид Арктуриан зөвлөл байна. Та бүхэнтэй холбогдохдоо таатай байлаа.

Дамжуулсан Даниел Скрантон